Gazeta

Danella Arsovska u bë sinonim i dështimit dhe manipulimit të qytetarëve të Shkupit, më shumë se asnjëherë më parë kryeqyteti i vendit pati nevojë për një prijes që do ta ndryshojë e jo ta shkatërrojë, shkruan Zhurnal. Arsovsksa po dështon, ka premtuar transport publik falas ka realizuar kaos në transport – Qyteti i Shkupit, po udhëhiqet për herë të parë që nga pavarësia nga një grua, Danella Arsovska, por skandalet nuk po përfundojnë edhe me këtë udhëheqësi të re. Në dhjetor të vitit të kaluar, kryetarja e tanishme, kishte deklaruar borxhi i kryeqytetit të Maqedonisë së Veriut është i madh. “Borxhi i plotë i Qytetit të Shkupit është 50 milion euro” ka thënë Arsovska. Por, edhe përkundër kësaj shume të madhe që është zhytur në borxh qyteti i Shkupit, kryetares nuk i bëhet vonë të shpërblejë “Vardarin” me 250 mijë euro. Por, Arsovska edhe duke e ditë që borxhi në qytetin e Shkupit është jashtëzakonisht i madh, sërish merr vendime dhe nuk tërhiqet pas, pa çka se shoferët e autobusëve kërkonin pagat për mundin e tyre, pa u menduar dy herë ka ndërprerë kontratat me agjenci transportuese të cilëve u ka borxh rreth 2 milionë euro, dhe me këtë vendim shumë qytetarë ka lënë pa transport publik, sepse këto agjenci kanë mbuluar shumë linja që kanë qenë në shërbim të qytetarëve. Kjo është e qartë se sa ka kujdes për qytetarin në Shkup nga organet përgjegjëse, protesta pa ndal, i tërë Shkupi i bllokuar, Arsovska thoshte që nuk do ta tërheq vendimin e saj, ndërkaq shoferët kërkonin vetëm pagat e tyre asgjë më shumë. Situatë delikate që komplikohej edhe më shumë nga një menaxhere jo e mirë që nuk di të udhëheq me qytetin e Shkupit. Në qytetin e Shkupit me ditë të tëra protestohej, Arsovska nuk brengosej – Danella Arsovska nga një kryetare shpresëdhënëse u shndërrua në një kryetare bllokuese që nuk po zgjidhte dot asnjë problem. Çështja e transportit publik ka qenë një ndër premtimet e përditshme të kryetares së tanishme, Danella Arsovska, gjatë fushatës së saj elektorale, por menjëherë pasi u vendos në krye të qytetit harroi gjithçka edhe këtë që e kishte përsëritur çdo ditë. Kishte premtuar transport publik falas, por ja që realizoi bllokadë të transportit publik. Faji kryesor qëndron te menaxhimi i dobët dhe jo i duhur nga kryetarja Arsovska e cila ka reflektuar që më mirë dinë ta bëjë grindjen se çdo punë tjetër. Përpos, që nuk po përmbush premtimet e saja, ajo po prish edhe punët që kanë qenë. Shoferët e autobusëve ishin të detyruar që edhe gjatë natës të flenë në rrugë për të kërkuar atë që u takon atyre asgjë më shumë, por ja që kjo e fundit nuk brengosej fare. Kujtojmë që, gjatë mandatit të saj, për herë të parë në histori, në dy raste ka ndodhur që Shkupi të mbetet pa transport publik për shkak të grevave të kompanive private dhe JSP-së. “Ka njerëz profesionistë që dinë të menaxhojnë qytetin”, ky ishte mesazhi kryesor i Arsovskes në fushatën zgjedhore në të cilën premtoi blerjen e 250 autobusëve të rinj ekologjikë dhe transportin falas për të gjithë. “Nuk do të nevojiten më shumë se gjashtë muaj që të përfundojë i gjithë procesi i fazës së parë. Në fazën e dytë tashmë po kalojmë në procedurat për autobusët e rinj për atë që do të jetë e nevojshme dhe tashmë kemi filluar për atë që është premtuar në 82 ditët e para për të rishikuar linjat që janë aktualisht”, tha Danela në dhjetor 2021. Por, tani jemi në shkurt të vitit 2024, pra tre vite më vonë prej kur është thënë kjo deklaratë, dhe asgjë asnjë hap konkret nuk është bërë në këtë drejtim. Kjo tregon për paaftësinë e saj në drejtim të realizimit të paktën të këtij premtimi që është jetik për qytetarët. Autobusët e premtuar ekologjik do të ndikonin dukshëm në uljen e ndotjes së ajrit që dëmton shëndetin e qytetarëve. Por, këto autobusë ekologjik e transporti falas nuk janë të mira si projekte vetëm kur janë premtime por edhe kur realizohen e për këto fillohet të punohet. E kjo gjë vështirë të ndodhë me një kryetare të papërgjegjshme si Arsovska.