Vaksinat kundër kollit të keq për të rritur kanë arritur në Maqedoninë e Veriut dhe do të mund të shfrytëzohen tek personat që kanë nevojë.
“I kemi në pikat e vaksinimit dhe mund t’ju jepen personave që kanë nevojë për to”, njoftoi ministri i Shëndetësisë, Ilir Demiri.
Ministri theksoi se sot do të nënshkruajë vendimin e Komisionit për Sëmundje Infektive për vaksinim të fëmijëve, por siç theksoi, edhe pa nënshkrimin e tij ajo është e vlefshme.
Nga muaji janar, Komisioni ka kërkuar nga pikat e vaksinimit që fëmijëve të paimunizuar t’u jepen nga dy vaksina përnjëherë.