Kreu i Lëvizjes Populli, Skender Rexhepi-Zejd në fjalimin e tij pas nënshkrimit të marrëveshjes së koalicionit mes BDI-së, PDSH-së, PDE-së, dhe LP-së, tha se ky Front do të sigurojë mirësia, mirëqenia, lumturinë dhe gjitha begatitë, përmes rrugëtimit europian dhe miqësisë me BE-në dhe SHBA-në.
“Fronti Europian do të bëhet një trup i përbashkët i shumë subjekteve politike, nga shumë etni kombëtare që frymojnë në RMV, për të dëshmuar se një Front Europian që na e sjell mirësinë, mirëqenien, lumturinë, gjitha begatitë që duhet t’i pasojnë një populli, gjeneratat që vijnë prapa, do të vijnë kryekëput të siguruara, të garantuara nga miqësia jonë me SHBA-të dhe rrugëtimi ynë me BE-në, sepse alternativë tjetër nuk kemi jashtë Frontit Europian”, tha mes tjerash Rexhepi.