Në Maqedoninë e Veriut gjatë vitit 2023 pati ulje të çmimeve të prodhimeve industriale në tregun vendor për 2.1 përqind.
Në dhjetorin e vitit të kaluar, krahasuar me dhjetorin paraprak, ulje më e madhe e çmimit është regjistruar te nxjerrja e thëngjillit dhe linjiteve (14.8 %) dhe te prodhimi i metaleve (14.5 %).
Ndërkohë rritje më e madhe e çmimeve është regjistruar te prodhimi i produkteve të duhanit (55.3 %) dhe prodhimi i pajisjeve elektrike (15.3 %).
”Në muajin dhjetor të vitit 2023, krahasuar me muajin dhjetor të vitit 2022, çmimet e shitjes së prodhimeve industriale në tregun vendor ishin më të ulëta në grupet: Energji me 12.1 %, Produktet intermediare për 6.8 % dhe Produktet kapitale për 6.9 %”, njoftoi Enti Shtetëror i Statistikave.