Një studim i kryer nga studiues në Universitetin Federal të Rio Grandes në Brazil tregon se burrat që kanë makina luksoze, si Corvette dhe Porsche, perceptohen se kanë nivele më të larta të vlerës së çiftëzimit dhe dominimit shoqëror.
Zbulimet tregojnë se individët me supermakina vlerësohen në mënyrë më të favorshme për sa i përket atraktivitetit dhe kompetencës, shkruan DailyMail.
Studimi përfshiu 171 pjesëmarrës, burra dhe gra, të cilët u pyetën për vlerën e çiftëzimit dhe dominimin social të njerëzve të seksit të kundërt bazuar në llojin e makinës që ata zotëronin. Rezultatet sugjerojnë se pasja e një makine luksoze ndikon në perceptimin social dhe shoqërohet me status më të lartë shoqëror.
Studimi u krye në dy pjesë, ku pjesa e parë shqyrton vlerësimin e vlerës së çiftëzimit dhe dominimit social bazuar në zgjedhjet e konsumit. Pjesëmarrësve iu treguan profile të fabrikuara të individëve me supormakina ose me makina popullore, dhe rezultatet konfirmuan se si burrat ashtu edhe gratë i atribuonin vlerë më të lartë çiftëzimi individëve me supermakina.
Pjesa e dytë e studimit u fokusua në mënyrën se si individët me supermakina e perceptojnë veten. Gjetjet zbuluan se pjesëmarrësit me supermakina raportuan nivele më të larta të statusit subjektiv shoqëror në krahasim me ata me automjete të njohura ose pa automjete.
Studimi sugjeron se konsumi i produkteve luksoze, duke përfshirë supermakinat, mund të ndikojë në perceptimin social dhe karakteristikat e vetë-perceptimit.
Rezultatet e studimit hedhin dritë mbi faktorët psikologjikë që lidhen me posedimin e makinave luksoze, sidomos në kontekstin e statusit social dhe atraktivitetit. Zbulimet përputhen me nocionin se individët mund të kërkojnë supermakina gjatë krizave të moshës së mesme, si një mjet për të rritur vetëbesimin dhe për të rritur dominimin e tyre të perceptuar shoqëror.